專科分類目錄

陳方婷醫生答問

陳方婷醫生(女)
Dr. Chan Fong Ting Michelle
臨床腫瘤科
值得推介 : 0

會員#18835 Andy
請問應該用何種紫杉醇來治療已擴散的鼻咽癌最好?
病患者女 - 70歲

在網上看見有太平洋紫杉醇Paclitaxel,多西紫杉醇Docetaxel,白蛋白結合型紫杉醇及紫杉醇脂質體4種紫杉醇,請問應該用何種紫杉醇來治療已擴散的鼻咽癌最好?是否這4種紫杉醇也可以用來治療鼻咽癌?若其中一種紫杉醇無效,可以轉用另一種紫杉醇來治療嗎?
陳方婷醫生回覆
Andy謝謝你的問題,

1. 以我認知及理解只有三種紫杉類型嘅藥物, 包括Taxotere ( Docetaxel ), Paclitaxel ( Taxol) 和 Nab- Paclitaxel ( Abraxane)

2. 三種藥物屬於同一個類別, 藥效和副作用也有些不同他們也用於鼻咽癌治療之上, 他們各自沒有直接比對哪一種用於鼻咽癌治療上較取勝

3. 但因應副作用，有時我們選擇用哪一種紫杉嘅藥物也有不同, 要考慮嘅情況包括藥物有可能導致手痺嘅程度, 藥物引起敏感嘅程度, 身體嘅狀況會否引起白血球過低

4. 因為同屬一類別嘅藥物治療上很少重複使用, 除非以除非已沒有其他嘅選擇

會員#18835 Andy
應否繼續用keytruda進行鼻咽癌的免疫治療?
病患者女 - 70歲

陳方婷醫生:
您好!
因媽媽點都想試一試免疫治療,所以治療前無做PDL1嘅指標測試。媽媽已經落左4針Keytruda,第一針到現在已經兩個多月，CT及EBV DNA剛出報告,腫瘤大左, EBV DNA指數由二萬幾變左二十幾萬，由以上情況黎睇，其實係咪已經可以確定Keytruda完全無效?仲有無其他免疫治療既方法可以試?例如雙免疫治療?定係已經要放棄採用任何免疫治療?
媽媽之前服用Xeloda後出現嚴重副作用,所以不能再用，後來進行過Gemzar單藥化療及carboplatin及Gemzar雙藥化療,請問陳醫生仲有咩其他化療藥可用? carboplatin及Gemzar可重用嗎? Cyclophosphamide對擴散左的鼻咽癌有用嗎?這種藥物安全嗎?
陳方婷醫生回覆
1. 從電腦素描喎癌指數嘅報告看來Keytruda, 喺媽咪嘅情況用處不太高
2. 其實適用於鼻咽癌嘅化療有很多種, 除咗铂類嘅藥物，和Gemcitabine, 紫杉醇一類嘅藥物也很有成效, 至於是否重用某一些藥物和嘗試其他新嘅藥物, 首先要考量病人身體嘅狀況是否適合, 另外之前化療嘅成效能夠持續多久和副作用嘅承受能力, 並非可以單純推斷應用哪一種藥物
3. Cyclophosphamide 係較傳統嘅化療, 一些晚期鼻咽癌嘅病人也會用得到不過，並非很大成效作用
4. 至於是否考慮雙免疫治療, 我會先了解病人嘅腫瘤程度和身體器官狀況才作決定。另外我建議做次代基因檢測Next Generation Sequence 了解腫瘤有沒有其他嘅基因病變, 有冇其他合適嘅藥物或標靶藥適用

會員#18835 Andy
應否繼續用keytruda進行鼻咽癌的免疫治療?
病患者女 - 70歲

本人的媽媽鼻咽癌已擴散至骨及肝，經化療後，去年10月嘗試轉用keytruda進行免疫治療，靜脈點滴三星期一針，至今兩個多月共完成4針的靜脈點滴，4針後超聲波顯示肝臟的腫瘤變化不大，請問這狀況顯示keytruda有沒有療效呢?應否繼續用keytruda進行治療呢?未來的治療方案應該如何安排呢?
陳方婷醫生回覆
Andy 你好:
1. 首先我想了解咗媽咪 PDL1嘅指標是否高?
2. 之前試過幾多種嘅化療? 有邊啲嘅組合?

因為用免疫療法Keytruda , 有時候未必像化療一樣即是見到效果, 可能要等上兩個月嘅情況才會見效, 除咗喺超聲波上面觀察腫瘤嘅size, 另一個方法就係抽血验癌指數EBV DNA 觀察病情是否對治療有成效。

有陣時做免疫療法，Inmunecheckpoint inhibitors 包括keytruda, 佢會令到白血球細胞進入腫瘤進行攻擊, 睇影像上腫瘤好似size大咗, 但實際上個腫瘤係對治療有成效，所以除咗喺影像素描作評估，建議抽癌指數一同作比較。

我自己曾有一個病人pdl1嘅指標係陽性，用了Keytruda和化療一同使用, 可惜效果未如理想, 但之後再改用雙面疫治療, 腫瘤立刻見效, 所以每個人嘅情況都有唔同, pdl1嘅指標可以幫我哋推算效果, 但有陣時也有例外嘅情況。

醫務信箱
致陳方婷醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

陳方婷醫生答問

醫務信箱