專科分類目錄

陳澔賢醫生答問

陳澔賢醫生(男)
Dr. Chan Ho Yin
牙科
值得推介 : 56

會員#27856 Niklas
關於翻杜牙根
病患者男

你好
有兩隻牙杜過牙根兼整左牙套多年
果陣牙醫落左粒牙根釘落去

請問如果翻杜牙根將牙根釘拎出黎，會唔會好容易將隻牙整爆而要剝？
另外請問如果想換牙套，係咪最好都要翻杜一次牙根？而之後又需唔需要再落番一粒牙根釘？唔該
陳澔賢醫生回覆
你好 Niklas，

你所講的杜牙根牙定，在牙科的術語叫做“ post-and-core”。是完成根管治療後，修復殘破牙齒的最後一個絕招。當牙齒需要再杜牙根的時候，都會需要將此牙釘取出，然而去除此牙釘，其過程會有導致牙根縱裂的風險。
而且每次放牙釘，都會需要去除牙根的象牙質（dentine），會令牙根脆弱。所以無辦法不斷地更換牙釘。倘若牙根十分薄，可能最後牙醫都會建議你拔牙處理。

希望解答到你的疑惑

陳澔賢牙科醫生

會員#27932 Herqqw
杜牙根後如何換牙套?
病患者女 - 23歲

根牙根後換牙套係味要「車」走原本個牙套先可以度牙模?(如果係，咁等待新牙套既時候，隻牙會唔會好容易崩?)

如果換牙套，隻牙會唔會要再磨細?
陳澔賢醫生回覆
Hello Herqqw，

做完杜牙根之後，確實大牙/小臼齒牙齒容易破裂需要使用牙冠（crown）去保護。過程中需要「車」走本身的牙質，來提供空間給牙套物料，否則牙套形狀將會過大不自然導致其他問題出現。但不必太擔心過程中牙齒會崩，因為牙醫通常會使用臨時補牙物料保護牙齒，待新牙冠回來後裝上。

倘若後期需要更換牙套，牙齒通常不需要再大幅度磨小。但拆除牙套的過程中，都會觸碰到牙齒本體。所以實際上無辦法不斷地換新的牙套。換得多最終牙齒會比較脆弱。

希望解答到你的問題

陳澔賢醫生

會員#27932 Herqqw
杜牙根後牙套碎左
病患者女 - 23歲

大約五、六年前杜左門牙旁邊嘅牙嘅牙根，之後
大約一年個牙套就碎，但之後5年一直每年洗牙、檢查牙齒同照X ray,牙醫都無話要補返個牙套。

想問係咪每年檢查牙齒嘅話，牙套碎左都唔洗急住補？
陳澔賢醫生回覆
你好Herqqw，

牙套破損的話，會建議及時修補或者替換。因為牙套裂紋的夾縫可以藏入食物和細菌無法清潔，久而久之細菌分解糖份排出有害物質，會導致蛀牙/牙肉發炎。倘若牙套內的牙齒已經進行了“杜牙根”（即根管治療）的程序，就算初期有蛀牙你都唔會覺得痛，從而錯過了最佳的治療時機。

建議你儘快請相熟的牙科醫生替你進行臨床檢查，拍攝X光，拆除牙套後檢查已杜牙根的牙齒健康程度。倘若一切良好，可以重做牙套便可以！

祝安康

陳澔賢牙科醫生

會員#27874 Kateee
箍牙後上排智慧齒痛
病患者女 - 26歲

折左牙箍兩個星期左右,岩岩開始帶固定器，上排既智慧齒開始痛…

諗緊去唔去剝智慧齒，但又擔心….岩岩除牙箍
牙齒會唔穩定，如果即刻剝智慧齒牙齒會唔會成排移位走位

Thanks
陳澔賢醫生回覆
你好Katee，

一般矯正完過後，如果智慧齒發炎疼痛，牙科醫生都會建議儘早處理。因為智慧齒很多時候病變的時候，會影響導致旁邊鄰牙需要拔除。倘若已經拔除牙齒完成矯正，牙齒數量已經較少，再有健康牙齒被拔除長遠會影響咀嚼功能。

所以經牙醫診斷後，智慧齒需要拔除的話，建議儘早處理。你堅持正常配戴固定器的話，不用擔心牙列會移位。

希望解除你的疑慮

陳澔賢醫生
荃灣牙醫

會員#27855 Lck
蛀牙
你好陳醫生，
因細個不太注重牙齒刷牙都好隨意
亦多年無睇過牙醫
早半年前虎牙與牙肉之間岀現蛀牙情況
而且近期越來越大範圍
牙齒空隙位亦岀現黑色我想問有沒有方法可以修補
沒有痛楚的只有蛀的位有少許
陳澔賢醫生回覆
你好LCK，

很高興你開始注重口腔健康，請繼續保持！蛀牙初期只是琺瑯質表面粗糙，顯露白斑，病人自己難以發現。只有礦物質流失到一定程度，形成臼洞，食物和色素變容易藏在無法清潔的縫隙。這時候就是變成肉眼可以見的黑色蛀牙。
我會建議你儘快徵詢相熟牙科醫生的意見。醫生會進行臨床檢查，並且拍攝X光，來確認蛀牙和牙髓神經的距離。如果蛀牙距離牙髓神經有一定距離，去除蛀牙並且修補即可。倘若蛀牙靠近牙髓神經或已經出現疼痛的症狀，就要有做牙髓治療或根管治療的心理準備。

希望你儘快搵到心水牙醫來處理。

陳澔賢牙科醫生

上一頁下一頁

醫務信箱
致陳澔賢醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見