專科分類目錄

陳思昕醫生答問

會員# win
杜牙根問題
病患者女 - 24歲

我之前去睇醫生，醫生話我下面其中一隻門牙神經已經壞死咗，我想問下如果唔杜牙根會唔會影響隔離左右嘅牙齒？以及有咩後果？
另外，如果杜牙根一定要帶埋牙套？唔帶得唔得？帶唔帶牙套，係咪牙齒一樣咁脆弱？
最後，杜完牙根，幾年後開始爛，係咪醫生做得唔好導致封唔緊，有細菌入去，導致牙會爛？
陳思昕醫生回覆
你好，多謝你的查詢。牙神經壞死即牙齒內部根管有炎症，如不處理炎症會加劇，出現牙瘡，並隨著時間牙瘡會擴大。牙瘡擴大會影響隔離左右的牙齒，令它們從牙腳被細菌感染，繼而壞死。再不處理可能會形成囊腫，到時候可能未必能單靠杜牙根解決問題。

門牙杜牙根後是否需要牙套保護因情況而定，一般如牙齒結構良好，或牙腳發炎並不是因嚴重蛀牙而引起，有機會不需要製作牙套。詳細判定需要x光及醫生臨床檢查。

杜牙根後牙齒也要後續保養護理，包括適當的清潔、使用牙刷、定期檢查、定期拍口腔x光，很難判斷成因。當然最初的杜牙根處理也應處理得妥當，牙齒才能使用更長時間。實際問題需經專業評估檢查後才能定奪，建議如有疑問可約見牙科醫生。

會員#27932 Herqqw
杜牙根後牙套碎左
病患者女 - 23歲

大約五、六年前杜左門牙旁邊嘅牙嘅牙根，之後
大約一年個牙套就碎，但之後5年一直每年洗牙、檢查牙齒同照X ray,牙醫都無話要補返個牙套。

想問係咪每年檢查牙齒嘅話，牙套碎左都唔洗急住補？
陳思昕醫生回覆
你好，多謝你的查詢。牙套主要是為了保護裡面的牙齒，如經臨床及x光檢查，發現牙齒本身狀況良好，牙腳沒有發炎，可以考慮重做牙套。

如發現牙齒內部已翻蛀/斷裂/牙腳發炎，則不能以重造牙套為解決現時問題的方案。這時候要醫生評估牙齒的處理，包括重杜牙根或要脫牙。

牙套狀況有機會直接影響內部牙齒的健康，因為牙套邊緣位置可能會增加蛀牙機會。建議可以先約見牙醫，咨詢有關牙齒的實際狀況，再比較方案或治療費用。

會員#27874 Kateee
箍牙後上排智慧齒痛
病患者女 - 26歲

折左牙箍兩個星期左右,岩岩開始帶固定器，上排既智慧齒開始痛…

諗緊去唔去剝智慧齒，但又擔心….岩岩除牙箍
牙齒會唔穩定，如果即刻剝智慧齒牙齒會唔會成排移位走位

Thanks
陳思昕醫生回覆
你好，多謝你的查詢。一般牙齒移動的傾向是向前，拔除智慧齒後牙齒會走位的說法未能經研究證實。如完成箍牙後有佩戴固定器，牙齒的位置基本上也會被固定。

智慧齒痛可大可小，長期不處理有機會導致牙肉發炎、局部牙周病、蛀牙等問題，建議可先約見醫生評估脫牙風險，從而考慮脫智慧齒的時間。

會員#27470 Maggie Tse
有關去牙髓治療專科杜牙根
之前去普通科牙醫睇症，我上面尾二果隻牙洗完後牙痛，照左X Ray話睇唔出有咩問題，去左專科睇話係牙裂，幫我杜左牙根，杜完之後一次，唔得，都仲係痛，再杜第二次換左藥，都係無幾耐，仲係有酸痛，之後再照x ray話入面有裂？咁點解第一次果時睇唔到？到第二次杜牙根都係唔work，話要脫牙，想問下係咪真係冇其他辦法？而家只係間唔中食野痛，唔可以封管了嗎？😭做牙套，謝謝
陳思昕醫生回覆
你好，多謝你的查詢。裂紋的確很難發現，一般是很深的裂紋才能在x光裡看到，通常要使用放大顯微鏡才能看到裂紋，有時更需要拍攝3D電腦掃描以作出最精準的判斷，評估牙齒的狀況。

牙齒即使杜牙根後仍然會有不適，如不適的情況已比起杜牙根前有大大的改善，那也只好先繼續把牙齒留下，「用得幾耐得幾耐」。

咀嚼時的壓力即使牙齒套上牙套，只可減少約七至八成的咬合力，咬到比較硬的食物時亦會影響裂痕加深或刺激到附近組織引起不適。如已套上牙套，但牙齒仍然有不適，需要拆除牙套再評估或重杜牙根，將會對牙齒造成進一步的創傷，未必幫到牙齒之餘有機會令情況更差。

一旦症狀惡化，影響咀嚼，那可能也只好考慮把牙齒拔掉，再考慮鑲牙的方案。