專科分類目錄

張逸和醫生答問

張逸和醫生(男)
Dr. CHEUNG Yat Wo Eric
精神科
值得推介 : 38

會員#25467 ms yan
頭暈
病患者女 - 48歲

您好

我去年有一晚半夜突然覺得好頭暈，連睜開眼睇嘢都跟住旋轉。之後有睇普通科醫生說是耳水不平衡，再輾轉睇耳鼻喉專科說是前庭神經炎。食藥後有好轉，但一直仍有暈的感覺，覺得右後耳常有嘢旋轉。
之後睇了幾位耳鼻喉醫生亦有做了檢查，照腦mri, 聽力，眼震測試都話正常。做body check 做正常。
但暈嘅感覺無消失過。睇其中以上醫生話係心理問題。我想請問這個情況會同心理有關嗎？是否需要睇精神科？

我本身睡眠質素唔好，好易失眠。再加頭暈問題真係令好困擾。唔知應該向哪個方向尋醫。

ms yan
張逸和醫生回覆
你好Miss Yan，謝謝你的查詢！

長時間暈眩，做過了很多檢查和見過了不少醫生也解決不了問題，明白對你也非常困擾。

如果已經排除了耳石等等問題，這個症狀在精神醫學上也是非常普遍，和焦慮情緒或者壓力有關。也有很多患者會覺得好似踏不實地下，手腳無力。不用擔心，精神科醫生可以幫到你！

會員#28094 Ellen Li
血清素令人失眠怎麼辨
病患者男 - 26歲

先前見咗醫生診斷我有焦慮症, 佢開咗血清素(Zoloft 50mg) 同安眠藥（Stilnox 10mg一次半粒) 比我晚上食, 話有助睡眠, 點知食完個人仲好似仲興奮左更加訓唔到, 想問血清素會否令人失眠同埋食多啲安眠藥怕唔怕呢？
張逸和醫生回覆
你好Ellen，謝謝你的查詢。

血清素 Zoloft 有機會影響失眠，可以嘗試早上服用，如果情況改善就可以將安眠藥 Stilnox減低。如果失眠情況持續，有機會是藥物副作用比較敏感或者和焦慮有關，可以試其他血清素。

會員#27944 Wanwan
Panic disorder
病患者女 - 23歲

醫生你好！我好幾年前有驚恐症，食咗好幾年血清素已經冇再嚴重發作。基本上食咗半年已無panic attack, 但….常常會好驚頭暈，驚在街不適，身體常常感到很攰很虛弱。這樣的話是不是仍然是驚恐症還是已轉變做焦慮症？謝謝
張逸和醫生回覆
你好Wanwan，謝謝你的查詢！

其實驚恐症是焦慮症的其中一種。不用擔心，你殘餘的症狀也屬於焦慮症狀和過往發作時心理陰影有關。

你只需要和你的主診醫生商討，心理治療+／- 藥物調整應該可以助你完全康復。

會員#27927 Giselle
由驚恐症變咗躁鬱症
病患者女 - 24歲

醫生你好，我喺四年前有一段唔開心嘅時間，演變左做驚恐症。一直食血清素，但都唔穩定，會驚一人出街，會驚暈。由lexapro, fluoxetine, zoloft都食過，食左4年ssri。

轉左醫生之後，醫生話我嘅情況可能係bipolar，佢話正常驚恐焦慮食ssri四年都未好，就可能要轉方向。
但我情緒好平靜冇咩脾氣冇突然hyper
佢話過個「躁」可以演繹做「驚」!
我聽到一頭霧水

下次複診冇改善可能要轉情緒穩定劑，請問會有這情況的嗎？謝謝。
張逸和醫生回覆
你好Giselle ，謝謝你的查詢！

抱歉在沒有正式評估，不能確定你的診斷，聽落有點匪夷所思。

究竟是你真的沒有輕躁hypomania 或者躁狂症狀 mania 所以被誤診Bipolar Disorder? 抑或是你真的有以上症狀而之前的醫生和你沒有留意到？其實這些情況也是很常見的。

同意的是如果試過三四隻血清素也沒有反應，應要重新檢討診斷，也有可能驚恐症是其他情緒病的共病症狀。但如果血清素系列不適用，不一定是診斷錯了，也有很多其他藥物系列或者配搭心理治療選擇醫治驚恐症。

最後建議如果你還有疑問，其實可以找尋另一個專家精神科醫生做過更加詳細的評估來釐清以上的疑問，如果診斷確定了，方向會更加清晰明朗而不會走咗之前啲冤枉路。

會員#27553 lc
ASD + 專注力不足
病患者男 - 14歲

男童兩歲多時確診ASD，智力正常。
小學，中學就讀主流學校。在政府精神科跟進到3年級，因當時醫生認為未有需要食藥幫助專注力，之後沒有再覆診。

升中後，學業開始落後，學衍要求越見複雜，睇錯題目，答題漏字情況越見嚴重，做事難有條理，做下東，又做下西，拖拖拉拉。明年將升中四，擔心情況持續的話，學業難以跟上。另一方面又擔心用藥的副作用，想請教醫生應如何是好？
張逸和醫生回覆
你好Ic, 謝謝你的查詢！

我相信第一步要是帶兒子見一見精神科醫生，做一個詳細評估確定是否有沒有專注力不足或是其他問題，包括動力情緒壓力管理等等。

如果真的是有專注力問題，醫生會和你詳細商討治療方案，服用藥物或者行為治療的好處壞處、副作用、風險效益和日後對他成長路上腦部發展的幫助等等。不用擔心，當了解所有資訊後先做決定會比較適合！

醫務信箱
致張逸和醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

張逸和醫生答問

醫務信箱