註冊專科醫生分類

專業治療

搜尋醫務信箱

睇中醫網
註冊中醫

劉世傑醫生-尋醫經歷詳述:

本人鼻敏感再度發番，近日更出現流鼻血情況，所以向劉醫生求診。一如既往，診所以先到先看的形式排隊。幸好，早上時間的求診人數不多，等待近30分鐘即可見醫生。

醫生先目測我的鼻咽，再用紗布止去鼻腔內的血絲，最後用內竅鏡檢查我鼻腔及鼻咽情況。感恩的，本人只患鼻竇炎。過程中，劉醫生既細心聆聽我講述的病徵，也仔細檢查我的鼻腔，並專業地解釋鼻腔各部分情況，令我感到放心。診症後，我的情況已改善。

大家若受鼻敏感問題影響，不妨到劉醫生求診。

簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 值得向有需要人仕推介

劉世傑醫生-尋醫經歷詳述:

望兩望就話中耳炎，開咗一星期藥比我，食完完全無好過，其實第二三日已經覺得d藥零幫助，但照食晒為止，希望有奇蹟。最終我要睇過第二個醫生，呢個醫生好詳盡解釋比我聽同埋叫我記得戒口，但劉世傑完全無提過囉！
簡評:
個人觀感- 有欠詳盡、耽誤病情
經歷過程- 需要自己主動提出較多的諮詢
推介意見- 在無其他選擇下可一試

劉世傑醫生-尋醫經歷詳述:

本人在7月尾的時候右耳突然聽唔到野，去左睇急診，醫生幫我做基本聽力檢查同照下耳仔入面，只系好簡單咁同我講耳仔入面有耳屎，開橄欖油滴耳劑比我返屋企滴，話等d耳屎溶解返出來就會聽得返野。但系滴左幾日耳仔都未見有好轉，係網上見到劉醫生的評價頗佳，決定上去睇佢。

8月3號上去劉醫生間診所度，因不設預約，先到先睇，本身10點10分上到去，姑娘話劉醫生要同病人做手術，所以要下午先可以再來。到左下午診所開門，我登記完等左大概10幾分鐘就入去見劉醫生，首先劉醫生問我系因咩問題來睇佢，我講左比佢聽右耳突然聽唔到野，佢幫我照完兩邊耳仔睇下耳仔入面的情況，話右耳入面有耳屎，跟住用專業工具[撩]返d耳屎出來，然後用幾支裝滿暖水的大針筒向住耳仔bum水，冲洗曬d污糟野出來，成個過程非常快，唔使十分鐘，整完之後劉醫生問我聽到野未，我話聽到，即刻覺得舒服曬！因為已經比右耳聽唔到野的問題困擾左一排，當聽得返野的時候果種感覺真系好開心！跟住劉醫生再同我講解返因為我耳道比較窄，所以d耳屎會比較難撩出來，平時要滴d橄欖油等佢溶解左先比較容易出來。跟住開左支滴耳藥水比我消炎。

經過是次睇醫生的經歷，覺得劉醫生醫術高明，為人細心有耐性，令病人覺得放心，值得推介！
簡評:
個人觀感- 經驗豐富、絕不拖症
經歷過程- 醫護人員親切有禮的提供協助
推介意見- 值得向有需要人仕推介

劉世傑醫生-尋醫經歷詳述:

喉部間歇出現異常分泌, 先後睇過兩個專科醫生。 第一個同我照完內窺鏡, 話喉部有兩個囊腫,可以割咗佢, 不過手術要全身麻醉。問佢囊腫嚴唔嚴重, 有冇需要割, 答案模稜兩可。問佢手術費, 一個禮拜後姑娘回覆, 要四萬。

為穩陣計, 睇多一位醫生問下。 嗰位醫生好出名, 但聽完我講述病徵後係咁意望咗我口、鼻同耳仔, 跟住話就咁睇冇乜嘢, 要去佢私人診所照內窺鏡至睇到多啲, (我當時係睇保險名單內的集團診所)。我因為之前照過, 唔想再照多次, 於是話佢知我其實照過, 醫生話有囊腫, 想向佢問攞second opinion。 佢一聽面色變晒,話人哋既診斷佢唔會畀意見。 我話只係請教佢專業知識, 囊腫有冇病變可能, 有冇需要割。佢好串咁話: 問我專業知識即係要教書, 診金唔包喎！ 結果錢就使咗(雖然係保險畀), 連喉部囊腫有冇需要切除呢個簡單問題都唔肯答。

今次好認真想搵一個有醫德的醫生睇多次, 最終搵咗劉醫生。佢好認真聽晒我陳述的病徵, 先用簡單工具視診, 期間叫姑娘幫我查詢保險涵蓋範圍, 知道保險會cover, 就幫我照內窺鏡。照的時候好細心反複多次睇晒所有部位, 一面睇一面講解, 比第一位醫生仔細同詳盡, 結果都係話只有囊腫,　但囊腫的數目唔止兩個, 而係好多粒，除此之外冇其他問題。我問佢囊腫需唔需要醫治，佢好清楚咁話對健康冇影響，唔需要處理。至於我喉部出現的異常分泌，如果牽涉食道，應找腸胃科診治。劉醫生畀我感覺係好認真仔細地檢查同診斷，有問必答，講得清晰明確，亦好顧及病人的費用付擔，唔會叫病人做不必要的治療（例如冇必要的手術）。我好慶幸最終睇到劉醫生，佢既專業態度令我對醫生有返信心。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 不可多得，值得等待

劉世傑醫生-尋醫經歷詳述:

耳噃嘢真好！病向淺中醫
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor