香港睇醫生網首頁
[ 會員#18819 ] 李思敏

我吾知道自己係咪有病

醫生你好,女性今年15歲,係岩岩升上高中既中4學生。最近發現自己既情緒越黎越控制吾到,係吾定既時間會爆喊而且係聲嘶力竭咁喊,好似就快抖吾到氣咁,最多發生係深夜既時候。

屋企人都以為我係發惡夢,但係我知道吾係因為我根本未訓到。間吾中既失眠搞到身為學生既我辛苦,學校都就快考試,我既壓力好似就快爆煲。

加上,我係中一未入學既時候因為一些誤會而被高年級同學欺凌,試過被劃花書,倒野飲等,又受到同學既杯葛。我曾經自殺過,但沒有成功,最近自殺念頭頻頻,而且對任何事都好敏感,對之前的悲痛經歷難以釋懷,甚至不斷回憶,發惡夢,有幻想同幻聽。

到底我係咩病?係咪好嚴重,一定要睇醫生?感激
李思敏 你好

先不說你是甚麼病或問題,曾經不愉快的經歷當然是引致現在情緒問題原因之一。
但情緒失控,自殺,負面思想,幻想幻聽,這些程度已遠遠超出正常情緒反應,所以無論任何原因都好,肯定是一種情緒病。
要標籤做疾病,不是只說嚴重與否,只是想提醒這不是一種正常現像,是需要好好處理,否則可以繼續惡化下去。
處理也不只有藥物治療,但你的程度可能無可避免要考慮,當然最好適當時間時配合其他心理輔導,才會得出最快最安全的解決,你是很需要去看醫生的。

歐陽國樑 醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved