我覺得自己就嚟崩潰 冇人明白我

病患者女 - 24歲

醫生你好，
但其實我一直都係一個幾樂觀嘅人，平時都係哈哈笑嘅人，但每次身邊人無意一句說話就會傷害到我，我會諗好多野，覺得自己做得唔夠好，好似冇人會在乎我，即使我消失咗都冇所謂。但自問作為朋友我已經付出咗好多，我覺得好攰好辛苦，好大壓力。每次唔開心都只係會自己一個匿埋消失一陣，好快就冇事。其實我身邊好多朋友，個個都覺得我好開心好幸福，但其實只有我自己知道自己有幾孤獨。。
但呢段時間，我覺得神經越嚟越敏感。個人好情緒化，好容易喊，有時會突然間喊，有時一喊就一發不可收拾咁，好似崩潰咁。然後我會自閉幾日唔理人，之後消化完冇事又繼續同平時差唔多。我係時不時都會情緒化，一個禮拜幾次，但係唔太嚴重，但最近係覺得情緒問題嚴重咗。。
有時睇到啲事情會内疚會自責，會覺得自己冇用，做極都做得唔夠。。
曾經都有出現過自殺念頭，如果我冇生存喺個世界上會唔會好啲。。
因為我懷疑自己係咪有情緒病，我覺得好辛苦唔知點算，我唔知應該點做，好迷惘，我唔想再係咁樣。。。咁樣生活好攰好攰