月經失調

病患者女 - 36歲

本人36歲，沒有性經驗。
經期一向不太準，每次間隔30-40日之間，每次約7-10天。

上次經期是4月24日至5月1日。
5月10日起有少量血水、然後每天有少量啡色液體但量不多(一張衛生巾可應付)。

5月27日睇過婦科，有照超聲波，醫生話子宮內膜較厚，約14MM，但除此之外沒其他異樣，當天開始服用Noretone tab 5mb，每日2次食21日。
食左藥之後兩天月經由少量啡色轉為紅色，量亦有明顯增多，跟平時月經情況類似。大概維持了5天左右，之後轉為啡色，量亦較少。

直至6月16日吃完所有Noretone tab 5mb，期間一直每天也有啡色液體。
6月18日再去婦科覆診，照完超聲波醫生話子宮內膜而家約4mm左右，比上次薄左，但冇其他異樣。

醫生叫我隔1星期後再開始服用每日2次21日Noretone tab 5mb，而醫生亦提到停藥期間會有月經，食藥幾日就會停，佢話如果再唔停就要入院做刮宮。


請問醫生我呢個情況會係咩病？
係咪真係有需要做刮宮？
謝謝回覆。