香港睇醫生網首頁
[ 會員#21146 ] aspirin

盆腔炎

病患者女 - 31歲

大約5年前我腹痛,同男朋友愛愛時都有痛, 於是去AHNH醫院睇醫生啦,咁佢地轉左我NDH,之後醫生就同我講話我有盆腔炎,係性病!,我當下就呆了!!

然後又同我講照到我卵巢有個9CM既水LONG , 佢話會轉介我去PWH/GYN睇下(其實我一直好驚,因為性病..我又唔知佢咩菌,佢講性病呢個字...我一直都好驚好驚,我唔知點處理自己,我自問唔係一個攬交既人呀..)

去到PWH/GYN 上左WARD , 果邊醫生替我照了,搵一枝野插入既(我唔知果個叫咩檢查) , 就話我卵巢內有個好大既水泡
(但係無提過我有定無盆腔炎/性病)
咁我問醫生我係咪有性病,婦科醫生聽到我說這樣的話覺得奇怪,就講,下?你有性病咩?? 我同佢講NDH個醫生咁講,佢聽完無再解釋(但我很著緊...那麼到底我有什麼病呀??)

出院的時候她們給我吃Doxycycline 以及 Zinnat ,panadol,同埋一個GYN既FU期比我 , 我有問過水泡咁點做??醫生話唔會而家搞,會生BB先幫我一次過整

到底盆腔炎是性病嗎??係唔係HIV黎架??咁佢剩係開左呢兩隻藥比我,之後乜都無搞WO...
同埋呢5年黎我又正正常常無咩野...*(醫生請你解答下我既問題...其實我好驚...我驚到呢5年唔敢面對自己...我有做過婦科檢查,柏士片,檢查過陰道,醫生又話我無咩特別 )咁我係咪真係有性病果D架....十萬過驚....
多謝你的來信。其實盆腔炎只不過是代表盤腔的器官(卵巢,輸卵管,子宮)發炎,很多時細菌是由陰道上去,亦無可否認大部份會導致盤腔炎的細菌是透過性接觸而傳染得到的,所以我們一律俗稱為”性病”。不過很多時這一類”性病”服食了抗生素亦能夠完全治癒,不像愛滋病這一類比較嚴重罕見的,所以不用過份擔心。當然如果有憂慮,亦可以作一些簡單的抽血以及陰道分秘檢查去排除其它嚴重性病的可能性。

至於卵巢水泡,有很多不同的可能性,小的甚至可以是生理性,自己消失,所以要看清楚超聲波照片以及檢查情況才能說明可以怎樣處理。

鄧曉彤醫生
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2019 www.seedoctor.com.hk
All rights reserved