[ 牙科 ]

網上看見多人推介曾医生，於是在3月3号去睇曾医生，今次去補大牙，去到照咗x光后，曾医生話我隻大牙蛀得好嚴重，無辦法補，要杜牙根及做牙套，大约要9000元，以為佢會幫我攪掂，点知佢話佢做唔到，推薦我找專科牙髓科医生才得，收咗我300元走人。
於是我試吓揾另一個牙医再睇睇，因為找專科牙医费用是普通牙医2-3倍，普通牙醫预咗起码最少要攞9000元出來，專科要2-3萬。点知另一位牙医幫我補咗隻就攪掂，不用杜牙根及做牙套，最后一毫子也不用俾，因為我用的是網絡牙科保健，蛀牙而補牙是唔收费用的。
我覺得曾医生真的是無料到，如果聽他指示揾專科牙医，可能無端端要驶多2-3萬元。以後我都唔會上網睇其他人comments, 講到佢無得頂，原來小事化大！