[ 普通科門診 ]

去到極為失望！第一：我冇諗過要等咁耐，大約1點到，填完資料入房等，等咗個幾兩個鈡唔知等乜，到成4點幾先走，IG介紹話三千幾支針，所以嚟問下關於淚溝填充問題，去到門口都已經知道中伏，第二：所講Consultant冇著制服，嗰位女顧問著住一條超短裙定熱褲，一彎低底褲邊都露埋，一啲都唔專業，問價錢一直遊花園，係咁Hardsell其他針，第三：個醫生都好騎呢著到花呢碌成個小丑咁，遲到咁多一句唔好意思都冇，講解咗大半小時，其後呢位顧問極度Hardsell，明明只係想問淚溝，結果成塊面俾𠈄sell晒，最後堅持只買了少少，亦都因為我唔肯買其他嘢，所以要去到成九千蚊/支，顧問個樣西晒面，呢位醫生收費非常高，應該係同網紅合作用優惠價吸引上去再落閘狂sell，無奈顧問解釋又唔清楚，淨係叫買多幾針有優惠，結果貴買少少甩身。以後唔好立亂喺IG睇廣告。做完效果未見瘀咗好幾日，個顧問知道我冇乜budget，都唔係好有跟進。