[ 外科 ] 公立嘅慘痛教訓

本人有幸係江醫生仲係公立醫院做乳腺外科做個陣接受手術，個手術手勢好差，傷口成2個星期都埋唔到，手術後有返公立覆診，江醫生只係目測我個傷口，話傷口發炎，叫我去洗傷口…去街症診所洗傷口，先知自己傷口有腐肉，最後要去公立傷口專科護師診所執手尾，傷口先好返，江醫生真係好有經驗。

最大鑊係我割出黎嘅腫瘤有問題，仲有部份腫瘤冇割到，並唔係之前抽針講嘅良性腫瘤，理應要再開刀，擴大切除邊緣，當時江醫生冇講到腫瘤嘅嚴重性，只係話呢款腫瘤係好易翻發，陰聲細氣咁問我想唔想再做手術…當時做完手術，傷口都成日痛，又唔知唔做多次嘅後果有幾嚴重，我話唔想再做，之後返公立覆診，江醫生只係掂吓手術位置就打發我走。

結果，我係其他渠道先知呢隻腫瘤一定要再做手術，否則有好大風險，經過上次係公立嘅慘痛教訓，我索性揾私家執手尾。

而家見到江醫生由公立醫院醫生，搖身一變成為病人口中嘅手勢好嘅私家醫生，真係除咗講恭喜之外，都唔知可以講乜。