[ 骨科 ]

醫生正常，不過不失，但對比其他骨科醫生未算詳盡。
接待員同姑娘好極品，比成$1900睇個醫生，我冇期待咩服務，但仲“好”態度過用公司醫療咭睇嘅連鎖式診所，真是大開眼界!

醫生話建議我做磁力共振，睇完醫生我出到去先醒起要拎轉介信。問姑娘，姑娘問我要黎做乜，擾攘左幾分鐘，姑娘擺明唔想比，一直為難我。
姑娘同我講「正常程序，係你要同我地預約咗，先比轉介信你。」言下之意，我一定要經佢預約做磁力共振，佢先比封轉介信我claim保險。然後個姑娘再黑面，同比說話我聽。

首先， 醫生講得出黎覺得我有需要做磁力共振，我就有權拎轉介信。 衣家並唔係醫生覺得我冇需要做，而我強行要。第二，我作為病人，我有權選擇係邊度做後續的跟進。 我要轉介信黎做咩，亦冇需要交待。

到比藥時，接待就咁比曬啲藥我，問都冇問需唔需要用膠袋裝。
就算環保，作為接待員，你都識望下客人的袋裝唔裝到。唔通你expect我用手指拎住四包散裝既藥走？我好好禮貌拎膠袋。個接待就咁放台，要我自己裝返入袋。