突然唔食精神科藥物，是否身體會唔舒服

我有抑鬱病，本來睇政府精神科醫生，醫生十分衰，所以轉睇私家精神科醫生，每次都要$800至$1000，5月份冇做野，冇收入，而且家人關係都唔太好，覺得食藥都冇用，睇醫生就浪費錢，查過食d藥就是毒藥，副作用好多，平時我要食2粒藥，上星期沒有問醫生，自己開始停食1粒藥，一開始已經開始唔舒服，第4日就全部藥都唔食，唔舒服好更要，氣唔順，行快幾步就心跳加速，腸胃好唔舒服，有好多氣係身體入面，有嘔，好眼訓，冇胃口食野，有胃酸，有時想暈，現在我應該怎樣做，唔舒服的情況越來越多，已經冇食大約10天藥，我唔想再食，想靠意志。

簡重盛醫生回覆:
9/8/2015

根據你說減藥後的身體狀況，你服食的抗抑鬱藥應該是含有增加血清素的成份，所以減藥後身體才有這樣的反應，減藥十天後不適的情況會減退。但是不代表你的抑鬱症會好了，既然你曾到醫管局精神科求診，可以回去覆診繼續吃抗抑鬱藥，主診醫生可以要求替換，及要求臨床心理學家的心理治療，減少將來停服抗抑鬱藥後的復發機會。

簡重盛醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。