感染糞腸球菌後問題

病患者男 - 41歲

你好，醫生,

我上年七月感染過糞腸球菌尿道炎，尿道口不適，食過抗生素(fosfomycin)後無不適就無再返驗。但到九月頭再有想同感覺再加睪丸有啲痛。

但做過驗尿種菌無事，再照睪丸超聲波都無事。
但係尿道口不適持續，所以自己去驗細菌DNA，證實又係糞腸球菌。

之後睇專科做前列腺超聲波+精液種菌都係正常，佢解釋菌量少種菌未必驗到，醫生開levofloxacin十日，十月底食完，食完隔兩星期十一月中再驗細菌DNA+種菌都證實無菌，但感覺持續有尿道口覺得灼熱，睪丸都有灼熱。

再睇醫生佢話係post-UTI症狀，佢話都可能影響到睪丸，其間我自己再去驗其他病毒細菌（包括性病）全部都正常，有驗腎，膀胱，PSA，全部正常，加再驗前列腺都係話正常大小。醫生都有話post-UTI多飲水，我都有照做，都飲好多，都係咁。

醫生都有開過啲泌尿科止痛藥好似無乜效。

因為到而家都已經有3個月，都係有尿道口+睪丸灼熱，通常係坐下感覺大啲，企起身或者行路就少啲咁。
但係我無頻尿，尿急或者小便不順問題，我小便正常，但係就係咁一味有呢啲感覺，個感覺一日內可以變化好大，有時無乜有時辛苦啲。
我可以做嘅檢查都已經做過，都好困擾。
所以想問：

1.隔咗咁耐都仲係post-UTI反應？post-UTI可以維持好耐？
2.post-UTI會影響埋睪丸？
3.因為我無割包皮，但係我可以正常反起清潔，我需要因為咁而去割嗎？因為醫生有提議。
4.定係我係慢性前列腺炎需要繼續食抗生素？

多謝解答

簡煒文醫生回覆:
26/01/2025

1. 有機會仍然是感染後的敏感現象，有時候可以維持一段很長的時間

2. 有這些灼熱的感覺亦未必等於有細菌，有時菌量小或甚至無菌的情況也有可能出現這樣的感覺

3. 並不需要

4. 如果是慢性前列腺炎，長時間服用抗生素亦並非有效的治療方法

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。