三歲可否睇耳鼻喉專科醫生

病患者男 - 3歲半

每晚睡覺都會鼻塞兼流鼻水，直至起身後會打乞嗤流鼻水，起身後過一段時間會自然冇事，這樣每日重複，之前有睇兒科醫生，診斷係鼻敏感，開了鼻塞，止鼻水藥。但不希望小朋友長時間食藥，想知道係咪其實有可能係其他病症，正考慮是否應該睇耳鼻喉醫生。

徐加明醫生回覆: [ 12/12/2021 ]

你好，其實小朋友流鼻水鼻塞的情況十分常見
除了鼻敏感以外，亦有可能是腺樣體腫脹，鼻竇炎，或其他鼻腔內的問題。

另外，治療方案其實除了口服藥物以外，亦有其他藥物，例如噴鼻藥物和鹽水洗鼻，也可以做一些測試，嘗試找出致敏源，從生活習慣入手去改善症狀

故此，我建議可以見耳鼻喉科醫生進一步檢查。
希望可以解答到你的問題。

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。