老人家退化腰痛

你好。醫生。

我媽媽七十五歲，上年12月尾起街比人撞跌後，就開始腰痛，去睇過骨科醫生，照過x光，醫生話腰椎退化、移位，但年紀大，不建議做手術，只開止痛藥和叫佢做物理治療。但因診所離家遠，她怕麻煩，做了幾次就無做物理治療。後來打左支骨質疏鬆針後，又話無咁痛。

直到今年8月，又話痛番，再睇另一個骨科醫生，照x光，又係比止痛藥，叫做物理治療，寫轉介信去排政府醫院。

一星期做一次物理治療，差不多有16次，頭幾次做完，好似好些，但最近又話痛。

早兩星期，終於排到睇政府醫院，但都係見醫生，問下情況，又要等到2月先話照x光。

由頸到腰，已經是S型，佢成日話痛，見佢好辛苦，我都好無助，其實有無其他治療止痛? 做手術? 做微創? 聽人講，做微創手術，要十幾萬，風險大嗎? 請指教。謝謝。

葉紹亮醫生回覆:
11/26/2020

pww 你好，

我建議你帶媽媽去找骨科專科醫生，照MRI 去確診引致你媽媽腰背痛的主要原因，才決定最適合你媽媽的治療方案。
若果真的需要手術治療，現時脊柱微創手術已經非常成熟及安全。
祝早日康復。

葉紹亮醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。