懷疑是鼻竇炎？

病患者男 - 3歲

囝囝11月中開始流鼻水同晚上咳比較嚴重，睇左醫生話普通感冒，食左3日藥好左好多，晚上只聽到幾聲咳，跟住好返了，跟住11月尾晚上又黎，晚上訓吾到，個鼻鼻塞，同嚕嚕聲，呼吸有小小急促。

第2日就流鼻水同咳，晚上又系鼻塞嚴重同咳得比較密，早上起床都好咳，好多痰同鼻水系濃的綠綠地色，跟住12月頭帶左佢去睇醫生，醫生話系感冒引起鼻水倒流，開左5日抗生素，收鼻水和止咳水，仲有鼻水倒流藥水，但果日食完藥后，晚上訓覺超級咳，咳左一晚，完全訓吾到，早上我致電果位醫生，佢叫我照俾佢食，話有一隻藥水吃左會咳D，想佢咳返D痰出黎，但佢錦細根本吾識咳出黎，然後我照俾佢食，但都系情況一樣。

最后又去睇多次同轉左D藥，又吃多3日同抗生素照食，雖然好左D，但藥停左而家晚上佢又鼻塞同訓得吾太好，好似個鼻又好多鼻水錦，而且好似用口呼吸，早上起身都好咳，同日間有時流下鼻水同有幾聲咳，搞到我而家都吾知點算。

因為呢個情況前後都成個月，應該帶佢睇返睇兒科還是鼻耳喉科，麻煩相關醫生复下我，THx

梁永堃醫生回覆:
20/12/2018

謝謝你的提問，小朋友反覆的有鼻塞，鼻水，同早上有咳及啖聲。最常見的情況應該算是過敏性鼻炎及相關的鼻水倒流。這個情況咨詢兒科醫生或耳鼻喉科醫生其實都可以。

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。