不知是否焦慮症，呼吸不順，胸部緊迫

病患者男 - 43歲

本人曾經試過兩次突發性透唔到氣咁，係突然發生，手腳發麻，要冷静個人調整一下先冇事，之後一段時間冇發生，但之前夜晚訓教試透唔到氣扎醒驚醒，但上星期一 16/5 訓落床，合埋眼後慢慢覺得呼吸好短促，想深呼吸都唔係幾得，要企起身冷静下，再坐住訓，但個呼吸已唔順，隔左日頂唔順去左急症室，留院一晚觀察心電圖，照胸部xray, 心臟超聲波，心跳血壓血氧及各樣驗血指數正常，心臟科醫生只叫我下個月門診覆診，但而家每日仍覺胸部好緊，氣喘，呼吸短，易攰，醫院醫生話我可能係胃酸倒流引起呼吸唔順，開左ppi 同Lorans 1mg 俾我，本身呢兩年係家庭管教仔女有好多壓力，好驚太太鬧，好驚阿仔入唔到好學校，好驚家庭經濟唔好，成日凝住自己有病不停上網search資料，好驚自己有絕症，有時好煩，躁疫情期間成日自我檢測驚中招，我唔知自己係米精神問題影響呼吸唔順，呢幾日一入浴室沖涼，搭升降機，同埋入戲院睇戲，尤其入戲院熄燈果一刻個人唔知點，都會呼吸唔順胸部壓迫，要慢慢調整呼吸先好D，我唔知自己夠竟係生理定心理出問題

梁婉珊醫生回覆: [ 5/31/2022 ]

你好，謝謝你的查詢。

請不用太擔心，你可以先行留意自己，最近是否經常處於特別緊張的情緒？其實在過去一年的日子，很多人也曾經因為擔心疫情發展，同時在家庭關係、子女發展、工作等層面上，都出現過不同程度難以維持平衡狀態的感覺，無形在精神上增添了不少壓力。

其實身體發熱、易醒、口乾、呼吸困難、有缺氧感、喘氣、胸口緊、四肢發麻等都有機會是焦慮症引發的身體反應。另外，有些人亦有可能由於緊張或焦慮的情況，不自覺地令到肌肉收緊起來，引起痛症或呼吸困難的感覺，這也可能是其中的一個解釋原因。

但當然需要先排除身體機能失調而引發的問題，而閣下已經做過多項檢查，包括心肺功能和驗血檢測，而且檢查結果亦全部正常。當時醫院醫生開出的藥物，例如Lorazepam 1mg，它具有鎮靜安眠效果，也可用於舒緩焦慮情況。不過長遠來看，如果你發現以上這些症狀和不適感持續出現，並且影響到日常生活，就有需要考慮及早尋求專業精神科醫生協助，作一個詳細的臨床評估是否患上焦慮症。

很高興看到你有嘗試自行調整呼吸，而得到改善。其實調節呼吸，身體局部肌肉進行緊縮和放鬆，體會放鬆後的感覺，學會以調控肌肉緊張程度，有助緩解焦慮緊張的情緒。

焦慮症是頗為常見的，透過調節血清素，維持於平衡狀態，妥善處理之後，大多數患者都能夠獲得改善。血清素亦不會導致上癮，所以無須過份擔心。

祝早日康復
梁醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。