應該睇邊科？

醫生你好！
有個問題已經纏繞咗一年半有多，睇左好多醫生都搵唔到病因，好辛苦好困擾日常生活！請醫生幫幫手，資料如下：
男性，32歲
病徵1）行路嘅時候個人好似企唔穩咁，每行一步都沉一沉，感覺就好似踩棉花，或者係落船搖下搖下嘅感覺，有時好似有人推我咁，會想跌，但旁人睇我行路覺得我完全冇問題，行得好正常，唔覺得我似會跌。情況一年半有多，每天如是。（最主要係呢個病徵好影響日常生活）
病徵2）左邊後腦至頸部常覺不舒服，似有野壓住後尾枕。
病徵3）左耳常塞，搭𨋢去到十樓左右就會塞左。
病徵4）後腰條骨有一節按下時會痛，有時彎腰都會痛。
.
以下係我睇過的專科：
1）一開始睇椎醫，照x ray 指脊椎有少少彎曲，及頸椎較直。但唔算大問題。
2）然後睇耳鼻喉科，冇問題，唔係耳水不平衝。照鼻，耳，頸甲狀線，全部正常。
3）之後睇腦神經科，照頭部mri，驗血。腦一切正常，驗血報告指白血球數較偏低，但腦科醫生話唔係大問題。
4）一段時間後，情況仍然一樣，再睇一次腦神經科，再照腦mri，驗血，肝腎功能，甲狀線，全部正常。
5）轉睇精神科，醫生話係焦慮症，食左三四個月血清素加其他輔助藥如減慢心跳，但清況一樣，完全冇改善，精神仲比之前更差，影響工作。
.
最近覺得情況又差咗，行路浮沉感愈來愈嚴重（但重申一次旁人睇我係冇問題），最近亦常頭痛頭暈，好想知道自己究竟咩事，要睇咩科先可以幫到我？
大約6個月前照過腦，一切正常，使唔使再照一次？
定係要睇頸/腰？行路浮沉關唔關頸腰事？咁要睇咩科？
定係其他身體問題？
請如果有醫生解答到，請幫下我！！
謝謝！

歐陽國樑醫生回覆: [ 5/9/2017 ]

其實身體不適問題只有三個可能：
1 - 真正身體問題 - 但找了那麼久，相信就算有也不是一些嚴重問題，有也應該會慢慢變得明顯，所以再從這個方向找而有突破的機會不大。
2 - 治療或藥物而引發的問題 - 要真的了解現在使用中的藥物才可下判斷。
3 - 心理情緒的影響出來的身體不適 - 並不是真正身體問題，所以當然檢查不到。

現在有情緒問題似乎是最肯定的問題，最低限度也應治好問題引發的情緒反應，如當情緒有改善後生理症狀消失便是情緒產生出來的最佳証明。

而你最困擾是醫生並沒有醫好你的情緒，其實應該還有更好的方法，如除了使用抗抑鬱藥再短期加上鎮定藥使情緒問題快速改善，會比單使用血清素好。

所以可以考慮先處理好情緒問題先，才看看那些身體不適還繼續存在才算。

歐陽國樑醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。