精神疑惑問題

病患者女 - 55歲

醫生你好，平時我係一個超易精神緊既人，好似番工如果俾人改花名取笑或者番工遇到不公平對待我都會好驚惶緊張甚至試過礦工。

我自從9月起因喉嚨異物感發作起來有一晚覺得好辛苦叫左十字車睇急症我個時以為係啃到骨但點知去到急症醫生睇完照埋x光話我咩事都無我當時好驚好驚因為我個時已經係好唔舒服個喉嚨，就係個晚開始我成日都形住自己個病係咪無藥可救我又好驚隨時頂唔住又會睇急症但感覺好無助因為醫院好似完全幫我唔到，喉嚨問題甚至影響到我呢今時今日，我既精神問題就係個晚開始，我喉嚨一有異物感我就會好緊張氣促手拳出哂汗總之就會好驚恐，尢其工作個時影響仲麻煩我有時會覺得呼吸困難突然緊張到要司機停車，最重點係我喉嚨異物感會係晚上特別明顯發作。

另外到4個禮拜前又衍生左第個精神敏感問題，我唔知點解會形住形住自己隻眼會怕望到自己個鼻既影，當然我知道正常人眼斜望向下係可以望到自己個鼻或影子，但我既奇怪感覺係覺得好唔自在同迷惘，尢其靜態既時候呢個心理問題就會間唔中影響我，我甚至以為係眼睛疲勞特登去買支眼藥水滴但發覺唔關事，就係好似為驚而驚呢樣野又搞到有d困擾。近排眼精神問題好左又到形住條頸梗，頸問題好左依家仲離譜成日形住自己呼氣覺得應覺奇怪，總之呢樣神經敏感又到第樣煩唉

麥棨諾醫生回覆:
12/28/2017

Bruce您好，謝謝您的來信，看到您的情況，確實令人擔心。依我之見，不排除是嚴重焦慮症。
嚴重焦慮症患者會對所有事情非常敏感，感到身體不適的程度特別強烈，更會不期然聯想到相關的併發症，甚至身體不適的種種原因，令自己更加焦慮。焦慮症並非不治之症，透過藥物的治療，病情是可以痊癒的。
希望你能夠儘快尋求精神科專科醫生的協助，作出檢查及診斷，疏導情緒問題，早日康復

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。