香港睇醫生網首頁

林美玲醫生

Dr Lam, May Mei Ling

註冊專科:
 [ 精神科 ]
Tel:
21518009
地址:
中環都爹利街6號印刷行402室
專業資格:
澳洲新南威爾斯大學內外全科醫學士 1995
英國皇家精神科醫學院院士 2000
香港精神科醫學院院士 2004
香港醫學專科學院院士(精神科) 2004
提供醫療程序及手術:

其他資料:
收費:
不設普通科
診症時間:
Monday - Saturday (By appointment)
林美玲醫生名片
使用醫院或其他服務診所:
診所以外提供的服務:


  # 32260
報告:
• 診症日期 : 2021年----
• 求診目的 : 專科治療
• 診金收費 : ~ $ 2000
• 輪候時間 : 需預約準時
• 選尋原因 : 其他網絡途徑
總評 10 / 10
專業態度 :
 10
對症下藥 :
 10
診金合理 :
 10

林美玲醫生 - 尋醫經歷詳述:

我自己係躁鬱，明白治療過程唔容易。要改善除咗藥物以外，自身因素如情緒的穩定性，突發的壓力，身邊嘅人對病情嘅理解等都對患者有唔同程度嘅影響。
林醫生一直以專業角度為我分析問題，並提供多個方法教我面對困境。現在，我嘅病情已經大有改善，可以正常生活。這樣專業的會診，收費非常合理。每次向醫生咨詢，尤其係複雜嘅問題，唔係三言兩語就可以解決，人家也要付出時間。病人付視頻的診金，都係正常。
多謝林醫生對我嘅細心關懷，明嘅人就會明。

簡評:
個人觀感- 健談友善、感覺良好
經歷過程- 醫護人員親切有禮的提供協助
推介意見- 優質醫療服務理應如此


  # 32241
報告:
• 診症日期 : 2021年----
• 求診目的 : 傷風感冒 躁鬱症
• 診金收費 : ~ $ 2000
• 輪候時間 : 需預約準時
• 選尋原因 : 其他網絡途徑
總評 1 / 10
專業態度 :
 1
對症下藥 :
 1
診金合理 :
 1

林美玲醫生 - 尋醫經歷詳述:

我係一個媽咪，病發嗰年係2017年，我嘅小朋友經一間好出名Band 1嘅中學學校社工介紹睇林美玲醫生。第一次上去睇佢，會診後佢就話我小朋友憂鬱症，林醫生無同我哋家長解釋過小朋友點解會有呢個病，也無跟我哋講呢個病佢會有咩病徵…也無講過我哋家長知病情嚴重時要點做，一路都將個病講到好輕鬆好少事，完全無提醒我們家長要點照顧個病人小朋友。然後就开藥，一食就兩年過去，期間病情反反覆覆，一直無好轉！大約一年過去，有一次我小朋友在網上睇到躁鬱症的表徵同自己好相似，然後同林醫生講，佢先話有機會係，隨即就幫我哋轉藥，平時就一星期覆一次診，都係入房say個Hi,問句最近覺得點…要唔要攞假…等等好求敷衍嘅對話！然後再同佢攞藥每次等上兩小時以上，見醫生十分鐘不到！期間由林美玲醫生介紹我哋睇同場的心理治療師Sarah Fung，但病情並無穩定落嚟！最嚴重一次2020年2月13日，我小朋友在家服藥自殺被送入醫院，一日後出院我隨即緊急致電找林美玲醫生，希望她能幫我寫一封信轉介佢睇政府嘅兒童嘅精神科。我在13/2早上10點找護士告知囡囡的緊急狀況，希望佢能覆我一個電話，最後過了4天都得唔到Dr May Lam甚至護士的任何回覆！！到2月17號我再whatsapp佢嘅護士，終於傳嚟Dr May Lam一個回覆！當時Dr May Lam話想同我小朋友視頻，但註明：「提提媽咪，同醫生視頻，會收返診金😊］我當時真係晴天霹靂！！！我個女睇咗佢三年，去到最後都服藥入院，命懸一線，我只希望佢幫我寫封信轉介去政府兒童精神病科，最後佢竟然喺咁危急嘅時候先向我表明可以幫我寫，但要先視頻了解下病情！視頻當會診同樣要俾錢！！！！嘩！我心想，咁冷血嘅醫生，有無搞錯！！？？睇佢三年嘅病人，仲要係小朋友，你一直醫唔好佢，最初又斷錯症，躁鬱症抗抑鬱症醫，搞到佢病情地拖延有誘發埋驚恐症！佢錯誤診斷我小朋友病情，延誤了小朋友的治療時間，作為醫生，唔係應該好有愛心㗎咩？！點解呢個林美玲醫生可以咁貪錢！？？唔係以救人為先？！！！嗰個係小朋友，由小學六年班就開始睇佢，睇咗佢三年，最後落得咁嘅下場😞我睇佢喺YouTube上嘅影片仲講咩做醫生係要有士命，我真係睇到想嘔！！！假情假義！假到嘔嘅醫生！我真心希望每個有情緒病嘅病人,特別係作為家長嘅你哋，希望你哋睇到我評論之後唔好好似我咁傻，相信佢！俾佢一拖就拖左三年，醫左三年先知佢無料又貪錢！每次機械式咁入房say Hi然後闲聊幾句英文問下近況就打發你出房等攞藥，佢就咁5分鍾又收2000蚊.毫無醫德無醫德嘅Dr May Lam，仲要斷錯症，延誤咗我小朋友嘅醫治。介紹嘅心理治療師Sarah Fung都係一樣冷血，有一次我小朋友病發坐巴士去到中環落錯車，行咗一個鐘頭先至嚟到見佢，當時對腳已經紅腫出曬水泡流曬血！卒之嗰次嚟到只係清洗傷口就離開，無做輔導，佢一樣照收足我錢！成間診所嘅醫生都冇醫德！我一世都唔會忘記我小朋友自殺前最需要你們的一刻等唔到你回電，嗰4日我作為媽媽比死更難受！
呢個林美玲醫生無醫德到極致！
現在我已經為我個小朋友找到一個很好嘅醫生，我將過去三年林美玲醫生給我小朋友食嘅藥單畀佢睇，佢話林美玪醫生畀我小朋友食嘅藥，係完全對躁鬱症冇效的！呢啲只係對抑鬱症有效嘅藥，包括Zoloft, Abilify,特別係xanax呢啲藥，絕對唔可以當糖食！因為對病人嘅腦部影響好嚴重，但係林美玲醫生一直都鼓勵我小朋友一緊張就食呢隻藥去放鬆自己，仲標榜佢好多讀哈佛大學名校嘅名校學生，考試前，上台演講前每當緊張都一定會食，絶對冇問題，冇副作用的！我都係上網查過呢隻藥，知道有好多唔好嘅副作用所以我堅決都唔畀我個女食，但係每一次我個女都會因為doctor May lam講過：食呢只Xanax冇問題可以食，所以我小朋友每次緊張都會因為咁同我要求攞呢隻藥食！
現在我小朋友食嘅藥係專門治療躁鬱症嘅情緒平穩劑Lamictal,我真心希望見到我呢段經歷嘅所有人唔好再睇doctor May Lam，如果已經睇緊希望你哋快啲搵個個好嘅醫生，因為好多人對鬱躁症都唔認識，所以只能夠信醫生，而我哋如果搵咗一個唔好嘅醫生好似林美玲醫生咁，就會後悔一生！因為做鬱症抑鬱症自殺機率高好多，希望我呢段經歷分享，能夠幫助到所有有躁鬱症嘅病人同埋病人嘅家人。

簡評:
個人觀感- 有欠詳盡、耽誤病情
經歷過程- 求診病人實在太多，等候需時
推介意見- 本人絕對不會再作光顧


  # 32228
報告:
• 診症日期 : 2020年11月12日
• 求診目的 : 專科治療 ADHD
• 診金收費 : ~ $ 2000
• 輪候時間 : 需預約準時
• 選尋原因 : 朋友介紹推薦
總評 10 / 10
專業態度 :
 10
對症下藥 :
 10
診金合理 :
 10

林美玲醫生 - 尋醫經歷詳述:

我仔仔睇林醫生，醫生同佢傾左計食藥個人專心曬，老師又讚佢，做功課都快左，令我少左勞氣，感激醫生既幫忙。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 值得向有需要人仕推介


  # 31972
報告:
• 診症日期 : 2018年8月5日
• 求診目的 : 傷風感冒 躁鬱症
• 診金收費 : ~ $ 1500
• 輪候時間 : 需預約等候頗長
• 選尋原因 : 朋友介紹推薦
總評 1 / 10
專業態度 :
 1
對症下藥 :
 1
診金合理 :
 1

林美玲醫生 - 尋醫經歷詳述:

我係一個媽咪，我嘅小朋友經學校社工介紹睇陳美玲醫生。第一次上去睇佢，佢就話我小朋友憂鬱症，林醫生無同我哋家長解釋過小朋友點解會有呢個病，也無跟我哋講呢個病佢會有咩病徵…也無講過我哋要注意邊方面，一路都將個病講到輕鬆好少事，完全無提醒我們家長要點照顧個病人。然後就开藥，一食食有一年，期間病情反反覆覆一直無好轉！到有一次我小朋友在網上睇到躁鬱症的表徵同自好相似，然後同林醫生講，佢先致話有機會，隨即就幫我哋轉藥，平時就一星期覆一次診，到最後小朋友多次急症到自殺，致電林醫生希望佢能電話上幫下我小朋友同佢傾，佢竟然喺咁危急嘅時候先向我表明電話可以打，但都當你上嚟覆診一樣要先俾錢，嘩！我心想，咁冷血嘅醫生，有無搞錯！！？？睇左佢三年嘅病人，仲要係小朋友，你一直醫唔好，最初又斷錯症，搞到佢被引發成躁鬱症，加重佢病情治療時間，而且呢個林醫生勁贪錢！唔係以救人為先，我睇佢喺YouTube影片仲講咩做醫生係要有士命，我真係想嘔！假到嘔嘅醫生，希望你哋睇到我評論之後唔好好似我咁傻，俾佢一拖就拖左三年，醫左三年先知佢無料又貪錢！每次機械式咁入房say Hi然後闲聊幾句英文問下近況就打發你出房等攞藥，佢就咁5分鍾又收2000蚊.無醫徳嘅林醫生，我一世都會記得你！

簡評:
個人觀感- 醫術精湛、鉅細無遺
經歷過程- 只知取藥付費，未能盡釋疑慮
推介意見- 本人絕對不會再作光顧


Copyright©2022 www.seedoctor.com.hk
All rights reserved