註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我因為喉嚨旁邊有腫漲一段時間，所以經保險經紀介紹睇呢個醫生。以下係佢講過嘅說話：

「下，你2017年先知，點解而家先睇？⋯呢個係甲狀腺問題，我唔會收你呢個症，你去公立醫院睇啦！」
「呢個應該係甲狀腺腫瘤，但要化驗先知。」
「你到而家先黎睇？」
「我唔會收你份驗身報告，我只會相信自己嘅化驗結果，會重新幫你檢查。」

睇完之後，我嚇到唔咁同屋企人講，即刻去照鼻喉同驗血。最後發現無任何疾病，佢又話會睇我份驗身報告。

睇呢個醫生，會嚇死人，而且唔對症下藥，只為賺錢，行醫騙人。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
我發現淋巴出現軟腫瘤，兩日前家庭醫生已經做左內規鏡寫好報告俾佢睇，佢睇都唔睇要我一定再做一次。 全程不斷重覆又重覆講住 "你好大件事", "俾我就笑唔出", "多過5成係Cancer"! 要我立即入院檢查。 (佢只係摸左我條頸兩次, 駛唔駛驚到個病人咁呀)

入到醫院先舍佢呃錢, 叫醫院一日同我驗一樣野! 第一日只係抽針! 第2日係驗血, 第3日只係照CT! 點解唔一日做晒呀? 每次巡房, 我睇住隻錶架, 最耐果次4分半鐘! 嚟到乜都唔講, 淨係話 "你好大件事", "要加多樣野驗, 要住多一日"! 咁就收我 HK$800巡房費!

我身體檢查要我住4日! 仲要係第3日果時話睇吓要加啲咩添, 可能要繼續住多幾日! 點解佢唔用腦諗吓, 要每日只加一樣野!

至嬲係, 俾我出院時候佢話佢覺得驗唔夠，不如搵日再入院再「睇吓要驗乜」! 仲話有可能係cancer。 我後來拎個report 俾另一個醫生睇, 另一個醫生指住個report解釋我知: 冇癌指素亦冇癌細胞..... 嘩! 真係冇病俾佢嚇到有病。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor