[ 會員#20428 ] cherry yau

有關rce一問

病患者女 - 20歲

源旭醫生,您好:
非常感謝您願意解答病人的問題,因為醫生真的很忙和很辛苦,真的辛苦了。

我係一年7個月之前唔小心撞到櫈圓角撞到眼角膜外層,患有rce,經傳統政府醫治方法及自己不堅持做手術發現仍常有復發情況,後來政府suggest我可去私家做PTK,然後我去咗私家,佢地想觀察唔洗做手術住,戴咗BLC四個月,然後除左個BLC之後都係復發得好密,最終都係接受了SK手術,但仲復發得密,所以上星期要做埋PTK了,醫生話9成人一次成功,有一成人會有復發機會。

請問如果今次都仲唔好,要繼續做多次PTK手術會一定好返嗎?定有冇其他最合適既治療方法?

睇開個醫生一直覺得係我本身眼太敏感,其实係眼科角度上黎講的確係好小事,我都好明白係好小事,詳細問佢又好似唔太想答,但對於病人黎講長期眼痛挫磨,好影響到工都返唔到同一痛就會照顧唔到自己,因為嚴重時兩隻眼都會好痛開唔到一兩日,真係好大困擾,但醫生好似唔明,仲以為我跨張,睇咗好多次都有唔記得我係邊隻眼有事,我都打算如果今次都仲係唔好,有考慮轉醫生了,唔係怪醫生,都好明白到每位醫生都係好專業同繁忙,真係好尊重每位醫生,只係怪我係自己身體唔好😂。
非常感謝你,如果唔得閒不用理會我的信息,再次感謝。🙏😀
親愛的cherry yau:

多謝你的提問。

RCE - Recurrent Corneal Erosion (復發性角膜上皮受損) 是一個常見的毛病; 單是今天,我已見了三位同是遇上這個問題的病人!

復發性表皮受損通常都是與眼睛創傷有關,最保守的治療方法是於患處滴潤眼藥水、塗眼藥膏或佩戴你曾使用過的BCL (Bandage Contact Lens 繃帶式隱形眼鏡)。更進一步的話可選擇進行PTK手術,利用激光去治療角膜表皮的兩層,這個治療方法不單可以治癒角膜 ,還可以選擇修正眼睛的視力度數問題。

如果第一次PTK不成功,當然可以選擇進行第二PTK手術。我完全了解亦十分明白你的狀況,全因為這是個復發性的毛病,它會不斷影響眼睛功能和引致生活質素下降,令患者十分困擾,在此希望你早日康復。

如果你的情況轉差,請馬上向眼科專科醫生求醫。謝謝。

源旭眼科專科醫生上
以上資料只供參考,不能作診症用途,
請與家庭醫生查詢並作出適合治療。
如有身體不適請即求診,切勿延誤治療。
若資料有所漏誤,本網及相關資料提供者恕不負責。



Copyright©2018 www.seedoctor.com.hk
All rights reserved