找不到原因的頭暈4個月

醫生你好，男性，34歲，我由4月9號早上特然一次頭暈心跳加速，透唔到氣，全身無力，之後call白車去急症室，當時上壓去到168，急症以為我係高血壓，開左一星期血壓藥，同轉介我去政府內科，但之後每天訓醒過了半小時到一小時就開始暈，吃了血壓藥都一樣暈，我記得頭一個星期，係街到望野覺得周圍d人和車走過的畫面會覺得佢地有微震感，之後自己都去左私家醫院住院檢查左幾日，發現無吃血壓藥的情況下血壓正常返，醫生話可能頭暈導致血壓上升，並非高血壓，呢幾個月自己在家量血壓都係正常，在醫院檢查左驗血膽固醇，血糖同心臟酵素，mri腎，mri頭部，ct腦部，x ray 頸椎，心電圖，24小時心電圖，心臟超聲波，驗尿，其他都正常，只是總膽固醇高dd 5.7同x ray 頸椎有小小骨刺，醫生話與頭暈無關。
直到今日，已經四個月了，日日都暈，只是現在無初時咁樣暈得咁勁，暈的感覺係沒有天旋地轉，似係飲左幾杯紅酒果種暈暈地，覺得前額漲漲地，有D難受的感覺，但偶然會覺得自己身體有兩三秒搖搖下咁，好似自己搭緊船咁，但我肯定我的身體係沒有搖緊中，有時會感覺到自己的心跳同呼吸困難，發生呢種情況下，一量個心跳大約90到120左右，但血壓係正常的，過半小時左右心跳和呼吸又正常返，政府內科的醫生話我暈都會出現呢種情況，之後就話我一切正常，可能係內耳問題，但我在私院住院期間，有位耳鼻喉醫生做左d簡單測試，系床到起身又訓低的簡單測試，話我唔似耳水不平衡，請問醫生，我應該從邊個專科入手，一層層專科去睇醫生或者我還有其他檢查未做，因為自己google過，長期頭暈d人都有檢查MRA腦血管同頸動脈血管超聲波，不知道是否再返去醫院向醫生提議做呢d檢查，謝謝你
附加自己以前生活不良習慣
以前日日都飲三到六罐啤酒
每天半包煙
現在已經四個月沒有飲酒了
​