經歷詳述:
本人因喉嚨有異物找叶医生，之前都会因鼻敏感找他，当天入到房他用一條有鏡頭的管照，他说損咗红咗(可能因為我之前右喉)，我之前問咗句，有冇嘢係喉嚨度，他就一輪咀話鬧，又話我當佢工人，好似問工人嘢咁！我都唔知发生咩事俾佢鬧，咪唔出聲囉！到睇完我同佢講當日不断流鼻水，叫他開埋鼻敏感藥俾我！之前佢就发癲鬧我，話今日同我係睇喉嚨異物，係救人命，唔好同佢講其他，但我話我鼻真係唔舒服咪同佢講埋，但佢話叫我收番句說話，不可再講，今次唔收我$，叫我走！真係痴線，唔通我出去登記过，再入去睇鼻咩，都唔知咩人，我都係睇耳鼻喉先同佢講，又唔係叫佢送俾我，要俾$嫁！之後又話佢俾其他耳鼻喉医生优勝就係游水和唱歌，叫我睇其他医生都得！病人都係想多了解自己病情問多d，病人都有表达權利，医生的專業就係病人唔識先問佢地，但病人問多d就話人當佢下人，咁完全唔想同病人溝通和高高在上的態度，我覺得佢完全唔適合做医生，再加上佢情绪咁波動，一唔鐘意就叫病人走，完全控制唔到自己情绪，又唔俾病人問嘢，係咪佢应该考慮唔好做医生呢！既然佢成日鬧病人又成日叫病人走，唔收$，(睇到评論，原來有幾個病人都在相同經驗，連佢講嘅说话都相同)不如唔好開啦！
簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 本人絕對不會再作光顧