經歷詳述:
我個女當時得2歲, 小朋友咁細個入親去都係打預防針同食藥, 小腦袋對呢個地方印象唔好係當然, 我個女見到診所已經扎馬唔入去, 咁我就抱住佢入去, 我個女入到去見到方醫生, 就喊, 要走, 混亂間踢跌咗佢支電筒仔, 佢執完之後好惡咁望住我個女, 佢之後見到我望住佢, 就收歛番少少.

第二次, 我個女都係喊, 佢用雪條棍禁住我個女條脷檢查後, 大力篤咗我個女一下, 又係狂喊收場.

第三次, 我個女因為有咳(食咗一啖雪糕), 第二日睇佢, 佢連我都鬧埋, 仲要超大聲: 我講咗幾多次唔好俾D細路食凍野, 係咪想佢哮喘至安樂? 我當時答佢, 我係第一次聽, 佢之後一口咬定咁話, 我已經講過好多次, 你地真係要搞到佢地哮喘先安樂!

之後我發誓以後都唔會睇佢! 仲話兒科, 一D愛心都冇, 後來我轉咗另一個兒科醫生, 開初我個女都係喊, 但個醫生陰聲細氣同佢傾計, 又送粒糖仔"乙水"佢, 而家已經唔再驚去診所啦.
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧