經歷詳述:
最主要想講下護士，我總共連續睇左3次醫生，第一次因為佢診所休息所以去左第二間，第2，3次睇，睇完之後叫姑娘俾醫生紙，當時諗住拎兩日，以防萬一，點知個姑娘話一定要每日落去拎一日，唔可以連續寫病假，好喇，由佢先，因為真係病到死死下，點知佢兩次俾d藥我全部有睡意成分，我每次食完佢d藥都要昏睡咁制，試問仲點日日落街拎醫生紙請假？
之後食哂d藥病好喇，打電話問個姑娘，講返呢個情況，個姑娘就話，得架啦，你拎返個兩張假紙幫你補返哂上去啦，跟手cut埋線，到我落到診所，佢就話唔可以咁加病假架喎，一定要日日落黎拎，我話我都病到死死下，你d藥又全部係眼瞓藥，我點日日落黎呀，日日落得黎拎假紙都唔會真係病啦，梗可況我係食哂d藥都立即再落黎睇多次啦，你又要比3日藥我，又要全睡意，點解唔可以補假紙先？，跟住佢講最激嬲我嘅一句話就係，俾3日藥你唔係要食哂架嘛，你要返工咁d藥可以唔食架嘛。 我打左個突囉，我話唔食藥我睇醫生黎做咩呀？無野呀？，佢之後先話最多幫我加兩日假。

如果佢唔係講左句咁嘅説話，我都唔會咁嬲，睇醫生d藥可以唔食，我真係第一次聽囉，痴線，雖然係由細睇呢個醫生大，但我唔會再返去睇去囉，
簡評:
個人觀感- 健談友善、感覺良好
經歷過程- 醫護之語調態度令人無所適從
推介意見- 本人絕對不會再作光顧