經歷詳述:
今次係第3次睇吳醫生，吳醫生係我心中係一個好醫生，可能好既醫生多左人睇，所以預約左既時間都要等差不多一個鐘頭時間，姑娘一直係我心目中都唔好，因為第一次黎既時候，見到姑娘沒有笑容，而且有病人問姑娘問題，姑娘不耐煩而且態度惡劣，不過個次對我既態度無咩問題，所以我都唔在意，第二次黎睇既時間，因為做完一些小手術引致肚痛，我個日係診所未開門就whatsapp醫生，醫生好好比個位我去睇，個日因為行路都好痛，所以行得好慢，但姑娘都唔會扶下我，不過都算喇反正扶我又唔係姑娘必需既責任，到今次第三次黎睇，姑娘態度一樣差，首先我行到接待處佢問我咩名同睇邊個醫生，之後就叫我去門口量體溫，量完之後我問姑娘係咪可以喇，個姑娘睇都唔睇下我，只係低住頭點左一下，連聲都無出過一句，之後我就坐埋一邊，本第約左4:15，我左成個鐘先入到去睇，睇完出返黎等攞藥，其間諗起有問題想再問醫生，等就同姑娘講想再見一見醫生，姑娘就問我想問咩，叫我同佢講，我問照腸鏡既時間，如果醫生見到有痔瘡之類會唔會幫我整埋，姑娘話唔會，你如果要求要整，就同我講，我寫低比醫生就得，仲話就算整都只會整腸入面既痔瘡，會用橡筋綁，出面既唔會做，要另外自己搵外科醫生做，跟住我就覺得好兒戲，不過都算，之後姑娘叫我攞藥，話我知點飲瀉水，佢話用溫水冲，我問可唔可以用室溫水，佢話溫水，咁我再問即是室溫水唔得，佢都唔係答兩個字溫水，加試佢唔耐煩既樣，我都忍，最後我問佢，醫生話入院前兩日要做肺炎測試，我話你未同我講幾時入院做測試，跟住佢話唔洗驗，我話唔係喎醫生話要，跟住再同我講唔洗，之後另外一個姑娘唔知同個姑娘講完D咩，個姑娘話幫我問醫生，問完之後都話唔洗，跟住我就忍無可忍話要叫見醫生，之後入去投訴d姑娘同埋決定唔係度做鏡腸，最後醫生同我講係要驗肺炎的，但我問佢點解姑娘話唔洗，醫生答我係要，好彩我話唔做者，如果唔係聽d不負責任既姑娘講唔洗驗，飲左瀉水去到醫院唔比入去做檢查咪死得，醫生係好，但姑娘真係差得很，只識倒米，今次之後不會再去了
簡評:
個人觀感- 判症快捷、合情合理
經歷過程- 醫護之語調態度令人無所適從
推介意見- 在無其他選擇下可一試