經歷詳述:
將軍澳日出康城的Dr Sixxn 醫生（小心黑店😓）之前睇已經濫收，每每用公司醫療咭後都仲要加额外$，都算，你賺錢都要有醫德，成日都開抗生素，我家姐也住日出康城，佢個女皮膚過敏，又抗生素又類固醇，今次我個女發高燒，佢又話會死人，又話回到家中晚上會再不斷高燒，語帶脅迫, 總之嚇到你死, 於是佢話要做流感快速測試$450，再加特敏福$500，剩惠$950才可出診所門口(已經用了公司醫療咭)，但回家晚上已退燒37.1😒，後來我上網查詢特敏福的副作用都幾恐怖(當然是一些extreme case)因醫生只輕描淡寫說冇乜副作用的，騙人😤。
重點係，小朋友做測試時因痛冇做落去，(是用很長棉花棒取鼻分泌物，由鼻孔插上去取😖，大人都覺得痛啦)，點知醫生嘴臉立刻一秒變豺狼，說：唔理呀，我點都要收錢的。又粗老大聲地說，姑娘，同我㩒住佢個頭，嚇到個小朋友跑咗出房，又指住鬧個小朋友說有冇攪錯, 我未見過咁, 你離晒譜！😱嚇到我當場目定口呆, 他完全唔似個醫生, 真心講, 似難仔! 跟住我話去私家醫院睇, 佢又唔比!
本人心想，錢當然比啦，根本冇諗過唔比，但從醫生口中搶住說先，確實好笑！(包裝已拆, 就算做唔到測試也應付的)
真是黑店😡
總結: 我以後也不會光顧此診所(維景灣畔也有), 醫生態度卑劣, 亂開抗生素, 類固醇, 又濫收費用!
後話: 一般診所如用公司醫療咭過了額, 醫生診症時會通知你, 是否願意 比額外費用, 此診所不會, 到付錢時才知有額外收費, 先斬後奏!!
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧