經歷詳述:
我小便唔舒服，有經驗知一定係尿道炎。由公司即刻趕回家附近睇李慶斌醫生。我下午一點前去到，仲有6-7分鐘先到一點，醫生仲係度睇緊病人，女護士甲黑面同我講：「已截左，你下午三點再黎睇！」「我真係好辛苦，睇埋我先啦！」女護士甲再重複佢句趕客說話。我話：「你幫我問下醫生啊，規矩係死既！我真係好唔舒服！」女護士甲：「你坐低先啊。」我無坐低，我照企係櫃枱。見住兩位病人攞藥付錢。其中一個病人都幫口話：「叫醫生睇埋佢(即係我)啦，人地病係好辛苦架！」

最後一個病人睇完，先中午12點57分，女護士甲同我講：「醫生叫你三點先黎睇！」「我如果唔係好辛苦就放左工先黎睇啦！睇埋我都唔使1:05pm！睇埋我啦！」我已聲淚俱下，女護士乙再講多次：「幫你問左醫生，你三點再返黎睇！」個下對呢間診所徹底失望、心寒兼氣憤！我臨走鬧左句「我以後唔會再睇你地！無醫德！！」搵左另一間診所，要下午3:45先有醫生。回到家去小便發覺更痛，兼有血，嚴重左！

以前感冒傷風都係睇佢，一直都好好，又睇得好，价錢又唔貴，但今次先見真章！兩位護士都無同情心，黑口黑面，當我係攪事咁。李慶斌醫生更加係冷血！見死不裘！佢既休息時間比醫人更重要！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧