經歷詳述:
我因為下體陰唇位置痕去睇醫生
首先我book左12點，點知成12:45先有得睇，係醫生食飯前最後一個病人
好啦 終於得去睇 呢個醫生望都無望過我，只係望住個電腦打字。ok....我同佢講我陰唇位好痕 佢問我痛唔痛 我話完全無痛。
之後上床檢查 我以為痕佢只會望下我陰唇位有無敏感果d，點知我無心理準備佢就一野插左入黎，好唔溫柔好痛。
好啦，咁佢插得入去照子宮，我就順便問下佢我子宮點，因為我之前睇醫生有話過我有子宮內膜異位症，我都想睇多個醫生問下架啦，咁我咪問佢我係咪有子宮內膜異位症啊，點知佢扮聽唔到走左出去，完全無答我，行開左5分鐘。
之後，佢就同護士一齊入黎，今次佢搵手指插入黎，又係無預告我，好唔舒服。之後佢用手指係我陰道入面禁下，問我呢到痛唔痛，果到痛唔痛。我話唔痛，之後佢問咁你邊到痛，我好惡咁話我係陰唇痕唔係痛。我真係懷疑佢有無聽我講野囉！！！
就即刻叫我起身出房，咁我再問佢我子宮點，佢話「你講子宮內膜異位症啊」，咁姐係佢岩岩有聽到啦，又唔答我。
總之呢個醫生就好唔recommend 大家去架啦，無heart唔細心唔溫柔，趕住收工咁。
簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 本人絕對不會再作光顧