經歷詳述:
感激遇到有醫德,有耐心又專業既仁醫!

容許我打得比較長..因為要詳細講
本人因為感冒腸胃炎唔舒服睇街症..比醫生打左枝感冒針 又要打得唔夠深入(後來發現枝針打左係脂肪層)
導致針口發炎 後腰背灼痛以及右側臀部疼痛

我去到私家醫院睇醫生..都被醫生立即否定我d痛係因為打針問題引起(醫院醫生十分肯定果隻. 之後寫左封轉介信比我睇骨科 上網睇到方醫生好多好評就揀左方醫生去就診)

佢並無因為覺得唔合理 就立即唔信任我 覺得係我多疑
相反佢先幫我睇左 診斷左我係咪其他骨科病先
問得十分詳細 並聽我講解痛既所有經過及由來
然後解釋我痛症既原因係咩 即使我不斷打轉擔心問類似既野
醫生依然有耐心地安慰我同解釋比我聽
另外,佢會主動幫我搵原因同尋求解決方法
期間有做過小手術 醫生都會詳細解釋會同我做D咩
體察到我既不安亦會安慰病人 就好似朋友一樣!
亦唔會為左收費而鼓吹我去做不必要既治療!(我有醫療卡其實唔洗自己出錢 不過醫生態度依然專業 唔會拖症)
二家已經好番好多 終於可以正常行路 跑跳
絕對係方醫生既功勞!!
莫名其妙搞到針口發炎雖然超級不幸...不過最後好幸運遇到甘好既醫生為我診治!

簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 值得向有需要人仕推介