經歷詳述:
bb 7個月大，尋日發現舉起左手就喊，即刻同佢去急症室，急症醫生幫bb照完xray，都做到拎玩具動作，所以話無事叫我返家自行觀察！但到今朝都覺得個囡左手無咩力😭，係郁到，但都係唔太想郁咁，就上網揾到方醫生資料，兒童骨科，打電話告知姑娘bb情況，姑娘好好即時幫我安排當日最快時間！🙇好感激方醫生，好快就知道bb係手爭位甩左骹，即時整返正佢，bb喊到失聲😨，喊完就無事啦。。。返到屋企仲有力拍枱，好感動🖒🖒好彩有去睇方醫生喳，始終驚bb有咩事有機會影響將來發展！依家好明顯無事，但作為媽媽既我都會觀察多一兩日。方醫生好有信心，話100%好返晒😂 已經介紹左方醫生比媽媽谷其他媽媽，叫佢地bookmark定，萬一小朋友有咩事，個電話list都有適合既醫生。。。係哩度分享一下，真係要多啲觀察下小朋友，因為真係無原因，又唔係跌過扯過，唔知點樣整親，有咩事睇多幾個醫生！今次埋單共$3800, 係有啲貴，但一睇就好返，值得比！
簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 值得向有需要人仕推介