經歷詳述:
非常非常感恩遇上方醫生!!!🙏一百二十分嘅好醫生👍👍👍不得不在此長文分享一下他超凡的醫德!!!
媽咪左手手掌&手板隆起嘅位置已有五, 六年之久，近日她發現有擴大/增生嘅跡象, 而向西醫求診。(因為較早前媽咪求診過中醫獲告知是肉芽且隆起嘅位置一直沒有痛楚而並沒有正視處理)
我同媽咪較早前睇另一位骨科專科醫生並獲告知佢嘅睇法不樂觀&此症狀最壞嘅情況係要將手腕前嘅部份截肢保命。真的很嚇人!!! 我&媽咪當刻都十分憂心&沮喪。其後那位骨科專科醫生寫了轉介信給我們去公立醫院排期接受相關嘅診斷&治療。
幸好, 其後朋友介紹了方醫生給我。
13-4-2018 首次到醫務中心找方醫生求診
方醫生細心聆聽媽咪講述症狀嘅背景又仔細替她觸診手部隆起的物體, 連我地帶去嘅X光片, 磁力共振片&報告方醫生都「逐一逐一」(所有片加埋超過十張)細心的去睇, 仲要耐心的告訴我們片中所顯示嘅情況, 及後方醫生綜合佢嘅對媽咪觸診, X光片&磁力共振報告, 用心的解釋給我們知道他的診斷&相關可行嘅治療方法。方醫生也堅定&有信心的確定他可以同媽咪做切除腫瘤手術並將手術嘅好處&手術嘅處理過程, 手術後傷口是怎樣的&傷口癒合嘅情況全都一一清楚講解給我們知道。求診後, 媽咪也很有信心的確定給方醫生替她施手術。
我總確信醫生給病人信心&病人對醫生嘅信心係成正比的!!!
25-4-2018 手術安排於翌日早上進行。晚上七點入院, 方醫生晚上九點幾都過來睇媽咪，再睇下我地對手術有無唔清楚嘅地方想要問他。
26-4-2018 方醫生好準時的去到手術室幫媽咪做手術。手術完成後，方醫生細心詳盡的同我們家屬交代手術嘅情況&傷口後續嘅處理方法。晚上大概九點, 方醫生再過來看看媽咪手術後的狀態。媽咪稱讚方醫生醫術精湛, 傷口並沒出現太大嘅痛楚。
27-4-2018 方醫生早上大概八點就來到幫媽咪縫好傷口，又細心的告知我們媽咪嘅傷口喺未來數天嘅變化，再為她準備出院文件。至晚上七點多，方醫生專程往醫院走了一趟看一下媽咪的病理報告，再即刻通知我地病理報告嘅結果，好讓我們盡早放下心頭大石。
由求診到做手術以至手術後嘅跟進，我&媽咪都覺得方醫生是一位既細心又盡責嘅好醫生，十分欣賞他對病人那份「醫者父母心」時刻替病人著想，説方醫生「仁心仁術」是實至名歸的!!!
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇