經歷詳述:
本人左耳突然聽唔到野。

症狀：有野塞住。每天聽力不一，甚至完全聽唔到。有少少啡濃流出。晚晚訓唔到。1連5日24小時耳鳴（高頻vivi聲）攪到精神極差，焦慮不安，長期頭暈，甚至嘔吐，突然標大汗，四支無力

嚴重影響個人生活。5日內看了4次醫生。4次次序分別：普通診所醫生（洗耳）話我有外來物：急証（簡單驗聽覺，話見唔到外來物，話我耳膜可能穿左，寫信轉介去耳鼻喉專科）：耳鼻喉專科（內視鏡照到外耳道有塊皮損左遮住，睇唔到耳膜有無穿，叫我2星期後覆診，等塊皮自己脫落先睇到咩事）

因為隻耳仔誘發出好多嚴重症狀（vivi高頻聲，耳少少痛，長期頭暈，作嘔作悶，又聽唔到野，令我5日都訓唔到教，精神已磨到個人疲憊不堪）最後在星期六朝早狂搵專科醫生，打了好多個電話都話無得即刻有得睇，要預約，最後找到劉世傑醫生，不設預約，先到先睇，就正正因為佢不設預約，令我得到立刻逼切冶療。

劉醫生一睇。一檢查。就叫我訓上床，即刻用儀器幫我吸晒d阻塞物出黎，邊吸邊同我講解病情，原來我“真菌感染，耳膜嚴重發炎，好多真菌孢子塞住"，佢吸完之後。我完全聽得返野，即刻舒緩晒5日既折磨！我想講早前睇的4次醫生，全部都無幫我解決過問題。一直拖，我諗如果我再唔做d野，分分鐘耳聾。
劉醫生後尾開左2支耳藥水比我，我只可以話劉醫生斷証，快，痕，準，多經驗，我衷心多謝劉醫生的幫忙！我現在還有高頻vivi聲未消..都仲係未訓得好，可能耳膜嚴重發炎關係..打算滴完藥水再去見多次劉醫生.
簡評:
個人觀感- 經驗豐富、絕不拖症
經歷過程- 雖則過程簡捷，診效尚算明顯
推介意見- 應已足夠為你控制病情