註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
只坐下一分鐘，話係濕疹叫你走，態度不友善，馬虎，要再去找另一個醫生，睇完根本沒用
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
病人去找醫生都是想根治問題，但這老馮態度極度惡劣！說自己不會擔保根治，趕病人走，叫看其他醫生，態度輕佻、沒有專業操守！
因為看這老馮其實已經一個多月，沒有根治，再上去問他有什麼方法，他便態度轉變了，說醫生不擔保個病會好！甘我心諗病人看醫生都是想好，想根治問題？
莫非要看他一世，佢智商都有問題？
如要看這醫生自己諗清楚？
沒有同理心，沒有專業操守，莫不關心病人，只是一個收錢醫生，不知所謂！

一個只想根治問題的病人上
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
本人曾於2015年因公司的醫療保險的限制下，在網上搵到這個醫生，第一次去的體驗是非常的差，醫生態度差，沒有耐性，全程5分鐘就叫我離開，我當時已經非常嬲，之後仲要再搵另外一個醫生去治療，簡直係浪費金錢浪費時間，仲要自己勞氣，2018年我再一次皮膚敏感，因為太急，又係因為公司的醫療保險限制下隨便在網上搵個皮膚科醫生，當我入房見醫生的時候，馮醫生一開口，我就即時認得佢，事隔三年，佢態度一樣差，一樣沒有耐性，我內心當時簡直好嬲自己，點解我又會搵返佢......佢真係可以話係我人生中睇過嘅最差醫生，佢咁嘅態度，都唔知點解仲有人睇佢，如果係唔介意態度嘅話可以睇，但係我係一定一定唔會再睇佢！！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
眾多皮膚科醫生，得佢一個即日預約即日睇
果然係中伏嘅
後生個護士就冇禮貌，老既四眼護士就長氣又煩
醫生冇醫德，用醫療咭入去半分鐘已經想我趕我走
我前面嗰啲個個都睇10幾分鐘
用電筒照一照皮膚，就話開啲藥膏比你返去查啦
完全冇解釋究竟起因係乜嘢？點樣會快啲好返？
問佢咁係唔係濕疹？佢竟然答我：「係呀，濕疹，兩個字，係濕疹喎，咁你記住呢兩個字咯喎，你記唔記得呀？係濕疹呀。」
咁無禮貌既醫生，不如唔好行醫
最後淨係好虛偽咁同你講一句，咁我祝你快啲好返啦喎
我已經撕爛咗佢張複診咭
無論如何都唔會返去再睇佢


簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
本人一雙腿在台中被台灣鋏蠓咬了超過1個半月, 依然紅腫未消, 非常痕癢, 而且生了幾個大水泡, 經過4次普通科醫生診治後被建議轉介至皮膚專科.

雖然有見評論反映醫生態度差, 但經家人推介後光顧了馮志榮醫生, 預約順利, 護士很幫助. 輪侯時間亦合理.

入診症室後, 跟馮醫生說我旅行時被蠓咬, 個半月多依然紅腫. 馮醫生反應冷漠, 以很小的聲線和急速的說話, 阻止我表述病情, 表示這只是insect bites, 會有藥膏給我搽, 而我見未有咬過的位置, 包括手, 腳, 頭, 身, 都出現紅疹或水泡. 馮醫生看一看只叫我"搽埋個頭同身啦", 並叫我出去稍等. 由於我仍有疑問未清楚, 例如沒有被咬的身上為何會出紅疹, 手指又長出10多個水泡. 馮醫生叫我記著是被昆蟲所咬, 其他問題通通不予回應, 不耐煩地站起示意我離開. 診症過程大概2分鐘.

回家用藥數天, 感覺情況更嚴重, 水泡愈長愈多, 痕癢得難以入睡, 心想醫生可能低估病情, 所以再覆診一次.

覆診時馮醫生從書架拿出一本書, 打開書中一頁印有水泡圖片, 叫我自己讀出insect bites, 話水泡是症狀之一, 沒大問題, 會幫我開藥減輕病情, 然後又示意我離開. 但我仍有疑問例如, 我情況如何, 何時會好轉, 蟲咬的傷口要如何打理, 馮醫生卻告知, "唔知你出去會唔會比野咬, 答你唔到", 他態度惡劣, 亦不專業, 新舊傷口我會懂得分辨吧! 然後亦叫我: "著返條長褲啦", 之後我再問長褲會否令水泡情況更差, 馮醫生又叫: "著返條長褲啦", 我問他可否回答我問題, 馮醫生再說: "著返條長褲啦, 你聽唔聽到?", 最後馮醫生一連說了6次"著返條長褲啦". 覆診的診症過程大概2分半鐘. 臨走時我不禁感嘆馮醫生真的很馬虎.

本人未見過如此馬虎了事的醫生, 讓病人帶著滿肚疑問和憂慮離開, 有違醫德!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor